Sana lutf eyledi m'abud şefaatla olup mev'ud
Oluptur rütbe-i Mahmud mukadder Ya Resulallah
Kerem kıl destimi âhız olup kıl emrimi nâfiz
Olurmu hiç sana âiz muhadder Ya Resulallah
Eğerçi eyledim bisyâr hatâ vü itmedim ısrar
Nedâmet ile istimrâr mukarrer Ya Resulallah
İdüp bâb-ı ümidi bâz bana kıl lutfunu dem-saz
Değilsin bâ-itâb u naz dil-âzâr Ya Resulallah
Dem-i vahşetde cinn ü nâs ider lutfunla istinâs
Serir-i vasla kıl iclâs müyesser Ya Resulallah
Kim itse câm-ı aşkın nuş olur ol neşveden ser-hoş
Olur vaslınla ol bi-hûş mübeşşer Ya Resullah
Kime vaslın ola mahsus olur kasr-ı dili mersus
Sa'âdetle olur mensus mukassar Ya Resullah
--> Devamı var.